Eskolatik Kadete mailara egiten dute salto eta gauzak serio jartzen hasten dira. Konpetizioa ikasketekin batera uztartu behar dituzte helburu nagusienetariko bat konpetizioan hezitzea izanez eta urtetik urtera aurrera pausu bat emonez. Hori bai, eskoletan moduan, talden eta lagunen arteanbizikletaz eta heziketa prozesuaz disfrutatzea da, eta bizikleta bizitza osorako kirol bat izan daiten motibazioa sustatzea da.
Gazteek modalitate desberdinetan parte hartzen dute, udako egutegian errepidean eta mendi bizikletan eta neguko egutegian pista eta ziklokrosean.
Errepidean, Bizkaiko zein Euskal Herriko txapelketa garrantzitsuenetan parte hartzen dute gure gazteek, horietatik at, Txuma, Bizkaiko, Gipuzkoako eta zein Kantabriako Itzulia ere lehiatzen dute.
2022. urtean Durangaldeko Bizikleta Eskolak Mendi Bizikletako talde bat sortzeko eta bultzatzeko esfortzua egin zuen modalitate hau indartzeko eta gazteei beste aukera bat emateko, aukera zabalago bat sortuz.
Egutegiaren barruan, Green Seriesak (UCI C2 mailan dagoena eta Bizkaian ospatzen dena), Superprestigio, Bizkaiko eta Euskadiko Txapelketak lehiatzen dituzte.
Neguko egutegian taldeak ere pistan ere jarduten da kadete eta junior kategorietan. Berrizko belodromoa gure eskualdean daukagula aprobetxatuz, entrenamenduak egiten ditugu astean zehar, eta Anoetan antolatzen diren probetan ere parte hartzen dogu. Bertan, trebetasun desberdinak garatzen dituzte gazteak.
Neguko egutegian ere Ziklokrosseko egutegia egiten dugu. Teknika oso garrantzitsua dan modalitatea da hau, eta hori lantzeko helburu argia dugu, teknika entrenamendu bereziak antolatuz. Euskal Herriko proba garrantzitsuenetan hartzen dugu parte, ETXF eta BTxF-ko sailkapenean.
